Erlebnisse & Aktivitäten
Zwei bis drei Mal pro Monat unternehmen wir zusammen etwas, das Teilnehmen an unseren Anlässen ist freiwillig, je nach Lust und Laune :) Unter Landjügelern ist der Spass garantiert!
Nebst geselligen Anlässen wie dem Eiertüpfen an Ostern, dem alljährlichen Brätli-Abend im Sommer, dem Jass-Abend oder der Waldweihnacht, gehören auch actionreiche Erlebnisse wie das mittlerweile traditionelle Nachtschlitteln mit anschliessendem Fondueplausch, Paintballspielen oder Kartfahren zu unseren Programmpunkten. Sportlich anzutreffen sind wir beim Wandern auf unserem alljährlichen Maibummel, beim Bowling-Spielen, beim Sportprogramm im Winter und in den Skiferien, wobei jeweils der zweite Teil gerade so wichtig ist wie der erste!
Leiterwägelitour
Jedes Jahr anfangs Sommer mache säch es par motivierti mit Verpflegung - meistens flüssig, mit em Leiterwägeli und guetr Musig ufä Weg a nes Fescht. O die scho fasch traditionelli Techelirundi darf nid fähle.
Di letschtä par Jahr hei mir üs aus Ziel es Turn- oder Schwingfescht usgsuecht.
Uf em Weg dert here machä mr meistens am nä Gwässr e Pouse, damit mr für e letscht Teil vo üserer Reis, am Fest, noch chli chöi Chraft tankä.
D Leiterwägelitour isch legendär u es het säch immr dr wert, dran teil z näh!
Skilager
Näb em Hostettfest isch es ds Landjugi-Skilager, wo am meischtä Ländjügeler ahzieht. I de letschtä Jahr si mr zwüschä 30 u 50 meh oder wenigr sportbegeistertä i dr Altjahrswuche nach Arosa aufbrochä, für zämä ä cooli Zit z'gniesse.
Es par machä vo ihrem Skiibillet e chli meh gebruch, angeri ziehts, ämu we ds Wätter mau e chli weniger mitspuit ä chli frücher i Richtig Aprés-Ski wo ds Motto "Wein auf Bier das lob ich mir" u "Bier auf Wein, das geht auch rein" haut e chli meh zum Zug chunt aus ds Schiilä.
Hockey-Tournier
Zämä mit dr Landjugi Frienisbärg vranstautä mr jedes Jahr es Fründschafts-Hockey-Tournier. Wüu für vili so e Hockey-Rüstig doch rächt ungwohnt isch, gseh d Bewegiä am Aafang aubä noch rächt unbehoufe us, ds tuet dr guetä Stimmig abr ke Abbruch.
Ds Hochey-Tournier isch näb em sportläche Aspekt o immr ä gueti Glägeheit, für gueti Bekanntschafte mit de Frienisbärger z'machä.
Mir freuä üs o jedes Jahr übr d'Fans vo de beidne Landjugis, wo üs tatkräftig aafürä ;-)
Aare-Bötle
Jedes Jahr am 01. Ougschtä steit üses traditionellä Aaräböötlä mit dr Landjugi Frienisbärg ufem Programm. Nach emnä entspanntä Tag uf dr Aarä, gö mr am Abe när de entwädr zu de Frienisbärger odr zu üs no chli ga feschtä u lös üs lah guet gah.
